پیرس اولمپکس میں تاجکستان کے ایتھلیٹ نے فسلطین سے اظہار یکجہتی کیلئے اپنے اسرائیلی حریف سے ہاتھ ملانے سے انکار کر دیا۔
اتوار کو پیرس اولمپکس میں تاجکستان کے جوڈوکا نورالی امومالی نے 66 کلوگرام کے مقابلے میں اسرائیلی حریف باروچ شمائلوف کو ہرایا۔
اسرائیلی حریف کو شکست دینے کے بعد تاجک ایتھلیٹ نے شمائلوف سے ہاتھ ملانے سے انکار کیا اور انہوں نے اپنے اسرائیلی حریف کی طرف دیکھتے ہوئے اَللہُ اَکَبْر( اللہ سب سے بڑا ہے) کا نعرہ بھی لگایا۔
تاجک ایتھلیٹ پہلے کھلاڑی نہیں جنہوں نے پیرس اولمپکس میں اسرائیلی حریف سے ہاتھ نہ ملایا ہو۔
اس سے قبل مراکش کے ایتھلیٹ نے بھی اسرائیل کے شمائلوف سے ہارنے کے بعد ہاتھ ملانے سے انکار کر دیا تھا۔
واضح رہے کہ غزہ میں اسرائیلی جارحیت کے 300 روز مکمل ہوگئے ہیں جس میں اسرائیلی حملوں کے نتیجے میں اب تک غزہ میں 39 ہزار 480 افراد شہید اور 91 ہزار 128 افراد زخمی ہوچکے ہیں۔
