پاکستان کرکٹ بورڈ کے چیئرمین محسن نقوی نے انٹرنیشنل کرکٹ میں سب سے زیادہ ٹی ٹوئنٹی میچز جیتنے والے کپتان کا اعزاز حاصل کرنے قومی ٹیم کے کپتان بابر اعظم کو خاص تحفہ پیش کردیا۔
چیئرمین پی سی بی نے 45 واں ٹی ٹوئنٹی میچ جیتنے پر کپتان بابراعظم کو خصوصی شرٹ کا تحفہ پیش کیا۔
چیئرمین پی سی بی نے انٹرنیشنل کرکٹ میں 300 وکٹیں حاصل کرنے پر شاہین آفریدی کو بھی خصوصی شرٹ کا تحفہ پیش کیا۔
چیئرمین پی سی بی محسن نقوی نے کرکٹ میں ایک سنگ میل عبور کرنے پر بابراعظم اور شاہین آفریدی کو مبارکباد دینے کے علاوہ آئرلینڈ کے خلاف جیت کے بعد ڈریسنگ روم میں پلیئرز کو بھی گلے لگا کر مبارکباد پیش کی۔
