لاہور : پاکستان کرکٹ بورڈ ( پی سی بی ) نے پاک بنگلادیش ٹی ٹوئنٹی سیریزکا شیڈول جاری کردیا۔
شیڈول کے مطابق پاکستان اور بنگلادیش کے درمیان5 ٹی ٹوئنٹی میچز کھیلے جائیں گے، فیصل آباد17 سال بعدبین الاقوامی کرکٹ میچ کی میزبانی کرے گا۔
جاری شیڈول کے تحت 2 ٹی ٹوئنٹی میچز 25 اور 27 مئی کو فیصل آباد میں جبکہ 3 ٹی ٹوئنٹی میچز 30 مئی، یکم جون اور 3 جون کو لاہور میں ہوں گے۔
پہلے بنگلا دیشی ٹیم کا دورہ 3 ون ڈے اور 3 ٹی ٹوئنٹی پر مشتمل تھا تاہم ٹی ٹوئنٹی ورلڈ کپ کی تیاری کیلئے اب ون ڈے انٹرنیشنل کی جگہ 2 اضافی ٹی ٹوئنٹی میچز کھیلے جائیں گے۔
دونوں کرکٹ بورڈون ڈے میچز کی جگہ 2 اضافی ٹی ٹوئنٹی انٹرنیشنل کھیلنے پرمتفق ہیں۔
