امریکا میں جاری کینسو اوپن اسکواش چیمپئن شپ میں پاکستان کے 2 پلیئرز کوارٹر فائنل میں پہنچ گئے۔
امریکی شہر ہیوسٹن میں جاری 9 ہزار ڈالر کی انعامی رقم والے ایونٹ میں پاکستان کے احسن ایاز اور عشب عرفان نے ایونٹ کے فائنل 8 میں جگہ بنالی ہے ۔
احسن ایاز نے دوسرے راؤنڈ میں ہم وطن ٹاپ سیڈ عاصم خان کو شکست دی ۔
عاصم کے خلاف احسن کی جیت کا اسکور 9-11، 11-8، 8-11، 11-7 اور 7-11 رہا۔
ایک اور میچ میں تھرڈ سیڈ عشب عرفان نے دوسرے راؤنڈ میں ہم وطن حذیفہ ابراہم کو ہرایا اور کوارٹر فائنل میں جگہ پکی کی۔
عشب عرفان نے 7-11، 8-11 اور 7-11 کے اسکور سے کامیابی حاصل کی۔
کوارٹر فائنل میں احسن ایاز کا مقابلہ کینیڈا کے لیام موریسن جبکہ عشب عرفان کا مقابلہ میکسیکو کے جارج لوئیس ڈومینگوئیز سے ہوگا۔
