قومی کرکٹ ٹیم کے سابق کپتان بابر اعظم نے رمضان المبارک کے بابرکت مہینے میں عمرے کی سعادت حاصل کرلی۔
رپورٹ ! محمد نوید
 |
پاکستان سپرلیگ 9 کے ختم ہوتے ہی بیشتر کرکٹرز رمضان کے مہینے میں عمرے کی سعادت حاصل کرنے سعودی عرب پہنچ گئے ہیں، ان کرکٹر میں سابق کپتان بابر اعظم بھی شامل ہیں۔
بابر اعظم نے رحمتوں کے مہینے میں عمرے کی سعادت حاصل کرلی ہے جس حوالے سے انہوں نے باقاعدہ انسٹاگرم پر تصویر اور ویڈیو شیئر کی۔
View this post on Instagram
بابراعظم کی ایک پوسٹ میں انہوں نے خانہ کعبہ کے سامنے کھڑے ہوکر تصویر شیئر کی ہے جس میں انہوں نے اللہ کا شکر ادا کیا اور اپنی پوسٹ میں لکھا کہ ‘پوری انسانیت کی بھلائی اور امن کے لیے دعاگو ہوں’۔
View this post on Instagram
اس کے ساتھ ہی کرکٹر نے مسجدی نبوی ﷺ سے بھی اپنی ویڈیو جاری کی جس میں انہیں وضو کرتے دیکھا جاسکتا ہے۔
