پاکستان کے ٹاپ کرکٹرز آسٹریلوی بگ بیش لیگ (بی بی ایل) کا حصہ بن گئے۔
فاسٹ بولر شاہین شاہ آفریدی، حارث رؤف اور بیٹرز بابر اعظم اور محم رضوان کو مختلف فرنچائزز نے منتخب کیا اور تینوں کھلاڑی پلاٹینم کیٹیگری میں منتخب ہوئے۔
پہلی بار لیگ کھیلنے والے شاہین آفریدی کو برسبین ہیٹ نے منتخب کیا جب کہ حارث روف ایک بار پھر میلبرن اسٹارز کی جانب سے کھیلیں گے۔
وکٹ کیپر بیٹر محمد رضوان کو میلبرن رینیگیڈز نے منتخب کیا ہے، اسی ٹیم میں پاکستان کے حسان خان بھی ہیں جسے میلبرن رینیگیڈز نے منتخب کیا۔
پاکستان کے شاداب خان کو سڈنی تھنڈر نے ٹیم کا حصہ بنا لیا، اس کے علاوہ بابر اعظم کی پہلے ہی سڈنی سکسرز کے ساتھ سائننگ ہو چکی ہے، بابر سڈنی سکسرز کی جانب سے بی بی ایل کھیلیں گے۔
فاسٹ بولر حسن علی ایڈیلیڈ اسٹرائیکرز کی جانب سے بی بی ایل کھیلیں گے۔
