بھارت نے انگلینڈ کو پانچویں اور آخری ٹیسٹ میں دلچسپ مقابلے کے بعد 6 رنز سے ہرا دیا۔
لندن اوول میں ٹیسٹ کے آخری دن انگلینڈ کو 374 رنز کا ہدف حاصل کرنے کےلیے صرف 35 رنز درکار تھے اور اس کی چار وکٹیں باقی تھیں۔
ابتدا میں جیمی اوورٹن نے دو چوکے لگاکر انگلینڈ کو دن کا اچھا آغاز فراہم کیا لیکن دوسرے ہی اوور میں جیمی اسمتھ محمد سراج کا شکار ہوگئے پھر سراج نے اوورٹن کو بھی پویلین بھیج دیا۔
جوش ٹنگ بغیر کوئی رن بنائے چلتے بنے۔ آخری میں میچ کے دوران انجرڈ ہونے والے کرس ووکس زخمی ہاتھ کے ساتھ بیٹنگ کےلیے آئے۔
دوسرے اینڈ سے گس ایٹکنسن نے مزاحمت جاری رکھی لیکن وہ ہدف سے 6 رنز دوری پر ہمت ہار گئے اور انگلینڈ کی ٹیم 367 رنز بناکر آؤٹ ہوگئی۔
انگلینڈ کے ہیری بروک 111 اور جو روٹ 105 رنز بناکر نمایاں رہے۔ بھارت کے محمد سراج نے پانچ، پراسدھ کرشنا نے چار کھلاڑیوں کو آؤٹ کیا۔
بھارت کی چھ رن کی فتح کے ساتھ پہلی مرتبہ ہونے والے اینڈرسن، ٹنڈولکر ٹرافی سیریز 2-2سے برابر ی پر ختم ہو گئی۔
