پاکستان ہاکی فیڈریشن کے صرف ڈومیسٹک ڈیلی الاؤنس کی ادائیگی پر قومی ہاکی ٹیم کے کھلاڑی ناخوش ہیں۔
کھلاڑیوں کا کہنا ہے کہ انٹرنیشنل ڈیلی الاؤنس کے منتظر ہیں، ڈومیسٹک ڈیلی الاؤنس سے گھر چلانا مشکل ہے۔
ذرائع کا کہنا ہے کہ تاحال انٹر نیشنل ڈیلی الاؤنس نہ تو ادا کیے گئے ہیں اور نہ ہی ان کے بارے میں بتایا جا رہا ہے کہ ادائیگی کب ہو گی۔
کھلاڑیوں نے شکوہ کیا ہے کہ گھر کا نظام چلانا مشکل ہے ، ڈومیسٹک ڈیلی الاؤنس سے کیا بنے گا ایف آئی ایچ نیشنز کپ ختم ہو ئے ڈیڑھ ماہ ہوچکا ، ڈیلی الاؤنس نہیں ملا۔
کھلاڑیوں کا کہنا ہے کہ ایونٹس میں شرکت بہت ضروری ہے ، ہم دل و جان سے حاضر ہیں لیکن ہمارے گھر بھی ہیں ۔
پاکستان ہاکی فیڈریشن کے صدر طارق بگٹی نے گزشتہ روز میڈیا کو ڈومیسٹک الاؤنس کلیئر کرنے کا بتایا۔
صدر طارق بگٹی کا کہنا تھا کہ نیشنز کپ سے قبل کھلاڑیوں کا بتا دیا تھا کہ جمع پونجی خرچ کر کے جا رہے ہیں مشکل وقتہے ، ابھی پیسے نہیں ہیں ، ڈومیسٹک ڈیلیز کلیئر کر دی ہیں باقی بھی ہو جائیں گی۔
خیال رہے کہ کھلاڑیوں کو ڈومیسٹک کا 3 ہزار روپے ڈیلی جب کہ انٹرنیشنل کا 30 ہزار روپے ڈیلی الاؤنس ملتا ہے۔
