اہور: پاکستان کرکٹ بورڈ نے مینز کرکٹ ٹیم کےکوچنگ اسٹاف کے لیے رابطے تیز کردیے۔
رپورٹ ! محمد نوید
 |
ذرائع کے مطابق پاکستان کرکٹ بورڈ نے سابق آسٹریلوی فاسٹ بولر جیسن گلیسپی سے رابطہ کیا ہے اور بتایا جارہا ہے کہ جیسن کے ساتھ پی سی بی کے معاملات طے پانے کے قوی امکانات ہیں۔
دوسری جانب ذرائع کا کہنا ہے کہ پی سی بی کی سابق جنوبی افریقی بیٹر گیری کرسٹن کے ساتھ بھی بات چیت چل رہی ہے، بورڈ کو گیری کرسٹن کےساتھ بھی معاملات طے پانےکی امید ہے جس کے بعد گیری کرسٹن کےہیڈ کوچ کی ذمےداریاں سنبھالنے کے امکانات ہیں۔
گیری کرسٹن بھارت اور جنوبی افریقی ٹیم کی کوچنگ بھی کرچکے ہیں۔
اس سے قبل پاکستان کرکٹ ٹیم کے نئے ہیڈ کوچ کے معاملے پر بورڈ نے نیوزی لینڈ کے اسسٹنٹ کوچ لیوک رونکی سے بھی رابطہ کیا تھا جس پر لیوک نے اس حوالے سے جواب دینے کے لیے وقت مانگا تھا۔
