قومی فٹبال ٹیم کے فارورڈ کھلاڑی فرید اللہ کی بروکن کالر انجری کی کامیاب سرجری ہو گئی ہے۔
رپورٹ ! محمد نوید
 |
فرید اللہ 26 مارچ کو میچ کے 33 ویں منٹ میں اردنی ڈیفنڈر کو ٹیکل کرتے ہوئے انجری کا شکار ہوئے تھے۔
پاکستان پہنچنے پر انہیں ائیرپورٹ سے اسپتال منتقل کیا گیا تھا جہاں پاکستان فٹبال فیڈریشن (پی ایف ایف) کے چیف میڈیکل آفیسر، ڈاکٹر اعظم خان کی زیر نگرانی انجری کے معائنے کے بعد فرید اللہ کی فوری سرجری کا مشورہ دیا گیا۔
لاہور میں آرتھوپیڈک اینڈ اسپورٹس سرجن ڈاکٹر عامر سہیل نے فرید اللہ کی بروکن کالر انجری کی سرجری کی، ڈاکٹر نے انہیں 8 سے 10 ہفتوں تک آرام کرنے کا مشورہ دیا ہے۔
