انگلش کرکٹ ٹیم کے وائٹ بال ہیڈ کوچ میتھیو موٹ نے کھلاڑیوں کی کارکردگی میں بہتری لانے کیلئے مشہور اسپورٹس سائیکولوجسٹ کی خدمات حاصل کی ہیں۔
رپورٹ ! محمد نوید
 |
دفاعی چیمپئن انگلینڈ نے ٹی ٹوئنٹی ورلڈ کپ کیلئے مانچسٹر سٹی کے سائیکولوجسٹ ڈیوڈ ینگ کا تقرر کیا ہے۔
ڈیوڈ ینگ 2016 سے 2020 تک انگلش ٹیم کے ساتھ کام کر چکے ہیں، ان کی تقرری کے سال سے فٹ بال کلب نے چار لگاتار پریمیئر ٹائٹل جیتے ہیں۔
ای سی بی نے فٹبال کلب کی منظوری کے بعد مختصر مدت کیلئے ڈیوڈ ینگ کا تقرر کیا ہے۔
انگلش ٹیم کے وائٹ بال ہیڈ کوچ میتھیو موٹ کا کہنا ہے کہ انگلینڈ کی ٹیم نے بھارت میں 50 اوورز کے ورلڈ کپ میں جو غلطیاں کی ہیں اس کا ازالہ کیا جائے گا۔
یاد رہے آئی سی سی ون ڈے کرکٹ ورلڈ کپ میں انگلینڈ کی ٹیم گروپ مرحلے سے آگے نہیں بڑھ پائی تھی۔
