ساؤتھ ایشین جونیئر ایتھلیٹکس چیمپئن شپ میں شرکت کے لیے پاکستان جونیئر ایتھلیٹکس ٹیم بھارت پہنچ گئی۔
پاکستان جونیئر ایتھلیٹکس ٹیم واہگہ بارڈر کے راستے بھارت پہنچی۔ پاکستان کا دستہ بارڈر کراس کرنے کے بعد دہلی کے لیے روانہ ہوا جہاں سے دستہ چنئی جائے گا۔
ساؤتھ ایشین جونیئر ایتھلیٹکس چیمپئن شپ 11 سے 13 ستمبر تک چنئی میں منعقد ہو گی۔
پاکستان کے دستے میں 12 ایتھلیٹکس، 3 کوچز اور ایک منیجر شامل ہے۔قومی ایتھلیٹس مختلف ایونٹس میں حصہ لیں گے۔
چیمپئن شپ کی تیاری کے لیے اسلام آباد میں کیمپ لگایا گیا تھا، کھلاڑی اور کوچز بھارت میں اچھی کارکردگی کے لیے پر امید ہیں۔
