انٹرنیشنل کرکٹ کونسل (آئی سی سی) مینز ٹی ٹوئنٹی کرکٹر آف دی ایئر کے لیے نامزدگیوں کا اعلان کردیا گیا۔
انڈیا کے ارشدیپ سنگھ آئی سی سی مینز ٹی ٹوئنٹی کرکٹر کے لیے نامزد ہوئے ہیں، جنہوں نے 18 میچز میں 36 وکٹیں حاصل کیں۔
اس کے علاوہ زمبابوے کے آل راؤنڈر سکندر رضا بھی ایوارڈ کے لیے نامزد کیے گئے ہیں، انہوں نے 24 میچز میں 573 رنز بنائے اور 24 وکٹیں حاصل کیں۔
پاکستان کے بابر اعظم بھی آئی سی سی مینز ٹی ٹوئنٹی کرکٹر آف دی ایئر کے لیے نامزد کیے گئے ہیں۔
بابر اعظم نے 24 میچز میں 738 رنز اسکور کیے جس کی وجہ سے وہ اس ایوارڈ کے لیے نامزد کیے گئے۔
آسٹریلیا کے ٹریوس ہیڈ بھی ایوارڈ کے لیے نامزد ہوئے ہیں جنہوں نے 15 میچز میں 539 رنز بنائے۔
