آسٹریلیا اور جنوبی افریقا کے مابین پہلے ٹی ٹوئنٹی میچ میں دو غیر معمولی کیچز وائرل ہوگئے۔
کمنٹیٹرز اور کرکٹ فینز نے کیچز کو ناقابل یقین اور مدتوں یاد رہنے والا قرار دے دیا، آل راؤنڈرگلین میکسویل نے باؤنڈری لائن پر ایک بار پھر ناقابل یقین کیچ کیا۔
گلین میکسویل نے باؤنڈری لائن کے باہرسے ریان ریکلٹن کا کیچ لیا اورپھرپُھرتی سے گراؤنڈ میں آئے۔
دوسری جانب تماشائیوں میں بھی کرکٹ فین کے کیچ نے دھوم مچا رکھی ہے۔ ہاتھ میں دو کین پکڑے تماشائی نے بائیں ہاتھ سے کیچ کر کے سب کو حیران کردیا۔
واضح رہے کہ ڈارون میں کھیلے گئے میچ میں آسٹریلیا نے 17رنز سے کامیابی حاصل کی۔
ڈارون میں ایک طویل عرصے بعد آسٹریلوی ٹیم نے انٹرنیشنل میچ کھیلا۔
