پاکستان کرکٹ ٹیم نے نیوزی لینڈ کے خلاف تیسرے ٹی ٹوئنٹی میں نیا ریکارڈ بنا ڈالا۔
جمعہ کو پاکستان نے 5 میچز پر مشتمل ٹی ٹوئنٹی سیریز کے تیسرے میچ میں میزبان نیوزی لینڈ کو 9 وکٹوں سے ہرا دیا۔
نیوزی لینڈ نے پاکستان کو 205 رنز کا ہدف دیا جسے گرین شرٹس نے حسن نواز کی شاندار سنچری کی بدولت صرف 16 اوورز میں مکمل کرلیا۔
اوپنر محمد حارث 41 بناکر آؤٹ ہوئے جبکہ حسن نواز نے 44 گیندوں پر شاندار سنچری اسکور کی اور کپتان سلمان علی آغا نے ان کا بھرپور ساتھ دیتے ہوئے 31 گیندوں پر 51 رنز بنائے۔
حسن نواز نے کیویز کے خلاف پاکستان کی جانب سے ٹی ٹوئنٹی انٹرنیشنل میں تیز ترین سنچری کا بابر اعظم کا ریکارڈ توڑا۔
نیوزی لینڈ کے 205 رنز کے ہدف کے تعاقب میں پاکستان نے اپنی ٹی ٹوئنٹی تاریخ کا نیا ریکارڈ بھی بنایا۔
View this post on Instagram
کیویز کے ہدف کے تعاقب میں پاکستان نے ابتدائی 6 اوورز کے پاور پلے میں اپنی ٹی ٹوئنٹی تاریخ کا سب سے بڑا اسکور بنایا۔
6 اوورز کے اختتام پر پاکستان نے ایک وکٹ کے نقصان پر 75 رنز اسکور کیے تھے جو گرین شرٹس کا ٹی ٹوئنٹی انٹرنیشنل میں پاور پلے کا سب سے بڑا اسکور ہے۔
