تنمے سریواستو ویرات کوہلی کی قیادت میں 2008 میں بھارت کے لیے ٹائٹل جیتنے والے انڈر 19 اسکواڈ کے ایک اہم رکن رہ چکے ہیں جن کی اب تقریباً ڈیڑھ دہائی کے بعد آئی پی ایل میں واپسی ہو رہی ہے۔
لیکن اس بار وہ بطور امپائر واپس آرہے ہیں، تنمے آئی پی ایل میں کھیلنے اور امپائرنگ کرنے والے پہلے کھلاڑی بن جائیں گے۔
بھارتی میڈیا رپورٹس کے مطابق اتر پردیش کے سابق اوپنر ملائیشیا میں ہونے والے انڈر 19 ورلڈ کپ میں ہندوستان کے سب سے زیادہ رنز بنانے والے کھلاڑی تھے، وہ پہلے دو سیزنز میں کنگز الیون پنجاب کا حصہ تھے۔
سریواستو نے 2020 میں ریٹائرمنٹ کا اعلان کیا تھا، انہوں نے 90 فرسٹ کلاس میچوں میں 4918 رنز بنائے، جن میں سے زیادہ تر میچز اتر پردیش کے لیے کھیلے۔
