Hamara Watan Sports News Urdu  National and Internatonal
آئی سی سی چیمپئنز ٹرافیکرکٹکھیل

چیمپئنز ٹرافی فائنل سے قبل بھارتی ٹیم کا دبئی میں ٹریننگ سیشن

دبئی: چیمپئنز ٹرافی کے فائنل سے قبل بھارتی ٹیم نے 3 دن کے آرام کے بعد جمعے کی شام دبئی کی آئی سی سی اکیڈمی میں ٹریننگ سیشن کیا۔

بھارتی ٹیم کے مرکزی بلے بازوں روہت شرما، شبمن گل اور ویرات کوہلی نے طویل بیٹنگ سیشنز کیے، جن میں اسپنرز اور پیسرز کی گیندوں کا سامنا کیا۔

ہارڈک پانڈیا، کے ایل راہول اور رویندرا جڈیجا جیسے بھارتی بیٹرز نے نیٹس میں لمبے اور اونچے شاٹس کھیلنے کو ترجیح دی اور گراؤنڈ سے باہر ہٹ کرنے کی ٹریننگ کی۔

دوسری جانب بھارتی ٹیم کے اسپنر ورون چکرورتی نے بولنگ کی پریکٹس کے ساتھ زیادہ وقت فیلڈنگ کی ٹریننگ میں گزارا اور میدان میں مختلف پوزیشنز پر اپنی فیلڈنگ کو بہتر بنایا۔

پریکٹس سیشن سے قبل بھارتی بیٹنگ کوچ سیتانشو کوٹک نے ٹیم کو ملنے والے ’ون وینیو ایڈوانٹیج‘ کے دعوؤں کو مسترد کرتے ہوئے کہا کہ ’دبئی میں کوئی ایڈوانٹیج کی بات نہیں، جب اچھی کارکردگی دکھائیں گے تو جیت ہوگی اور اگر خراب کھیل پیش کریں گے تو شکست ہوگی، بھارت کی جیت پر یہ کہنا کہ ہمیں ایڈوانٹیج ملا ایک بے بنیاد بات ہے۔‘

بھارتی ٹیم ہفتے کی دوپہر 2 سے 5 بجے کے درمیان دبئی میں اپنا آخری ٹریننگ سیشن کرے گی۔

دوسری طرف نیوزی لینڈ کے کھلاڑی ہفتے کی شام دبئی کی آئی سی سی اکیڈمی میں پریکٹس کریں گے تاکہ چیمپئنز ٹرافی کے فائنل کے لیے اپنی تیاری مکمل کر سکیں۔

Related posts

ٹی ٹوئنٹی ورلڈکپ کی ٹیم آف دی ٹورنامنٹ کا اعلان، فائنلسٹ جنوبی افریقا کا کوئی کھلاڑی شامل نہیں

محمد نوید

ورلڈ کپ کے انعقاد سے امریکا میں کرکٹ کی دوبارہ مقبولیت کیلئے پرامید ہیں: امریکی قونصل جنرل

محمد نوید

وہ کرکٹرز جنہیں پاک بھارت دونوں ملکوں کیلئے ٹیسٹ میچز کھیلنے کا منفرد اعزاز حاصل ہوا

محمد نوید

Leave a Comment