پاکستان اور نیوزی لینڈ کے درمیان 5 ٹی ٹوئنٹی میچز کی سیریز آج سے شروع ہوگی، سیریز کا پہلا میچ راولپنڈی میں کھیلا جائے گا۔
رپورٹ ! محمد نوید
ٹی ٹوئنٹی سیریز شروع ہونے سے قبل بدھ کو آخری تیاریوں کے طور پر دونوں ٹیموں نے بھرپور پریکٹس کی۔
ٹریننگ سے قبل سیریز کی ٹرافی کی رونمائی بھی ہوئی جس میں پاکستانی کپتان بابر اعظم اور کیو ی کپتان مائیکل بریسویل شریک ہوئے، اس مختصر تقریب میں راولپنڈی اسٹیڈیم کے گراؤنڈ مین بھی موجود تھے۔
اس موقع پر کیوی کپتان مائیکل بریسویل نے میڈیا سے گفتگو میں کہا کہ ہم نے ٹیم میں نوجوان کھلاڑیوں کو موقع دیا ہے ، کوشش ہوگی کہ پاکستان کے خلاف اچھا کھیل پیش کریں۔
View this post on Instagram
پاکستان کرکٹ ٹیم کےکپتان بابراعظم نے بھی پریس کانفرنس میں کہا کہ اس سیریز میں ورلڈکپ سے قبل تمام کھلاڑیوں کو موقع دینےکی کوشش کریں گے۔
بابر اعظم نے کہا کہ پی ایس ایل کے بعد کاکول کیمپ میں فٹنس پرکام کیا، پاکستان کے لیے کھیلنے والے کھلاڑی پرفارمنس دے کر آئے ہیں، شاداب اور عماد کے ٹیم میں آنے سے بیٹنگ مضبوط ہوگئی ہے۔
واضح رہے کہ راولپنڈی اسٹیڈیم میں پاکستان اور نیوزی لینڈ کے درمیان ٹی ٹوئنٹی سیریز کے ابتدائی 3 میچز ہوں گے جبکہ باقی 2 میچز لاہور میں کھیلے جائیں گے۔
