انڈر 19 والی بال ورلڈ چیمپئن شپ میں مسلسل 4 فتوحات کے بعد پاکستان کو ارجنٹائن کے ہاتھوں پہلی شکست کا سامنا کرنا پڑا۔
چیمپئن شپ میں پاکستان نے مسلسل کامیابیاں اپنے نام کیں لیکن آخری گروپ میچ میں پاکستاں کو ارجنٹائن نے سخت مقابلے کے بعد 3 ۔ 2 سے ہرا دیا۔
ارجنٹائن کی جیت کا اسکور 24-26، 25-18، 25-21، 16-25 اور 15ـ11 رہا۔
پاکستان پہلے ہی ایونٹ کے ناک آؤٹ راؤنڈ میں جگہ بنا چکا ہے اور آخری میچ میں شکست کے باوجود پاکستان کی گروپ میں پہلی پوزیشن برقرار ہے جب کہ پاکستان کو ارجنٹائن پر سیٹ اوسط کی بنیاد پر سبقت حاصل ہے۔
واضح رہے کہ پاکستان راؤنڈ آف 16 میں کل پول سی کی چوتھے نمبر کی ٹیم سے مقابلہ کرے گا۔
