پاکستان کے جونیئر گالفرز نے 14 اگست کی خوشیوں کو دوبالا کر دیا، مہد خان اور سارہ امین خان نے قازقستان جونئیر اوپن گولف چیمپئن شپ جیت لی۔
مہد خان اور سارہ امین خان قازقستان جونیئر اوپن گولف چیمپئن شپ میں چیمپئنز قرار پائے ہیں۔ الماتے میں ہونے والی چیمپئن شپ میں مہد خان نے بوائز کیٹیگری جب کہ سارہ امین خان نے گرلز کیٹیگری میں کامیابی حاصل کی۔ مہد نے بوائز کیٹیگری میں شاندار مہارت کا مظاہرہ کیا، زید عمر ارشد رنر اپ قرار پائے۔
چیمپئن شپ میں مہد خان نے سب سے لمبی ڈرائیو کا بھی اعزاز حاصل کیا۔ سارہ امین خان کو بھی اپنی کیٹیگری میں سخت مقابلہ درپیش تھا لیکن انہوں نے بھی کھیل میں اپنی شاندار مہارت کا مظاہرہ کیا۔
پاکستان گالف فیڈریشن کے صدر لیفٹیننٹ جنرل ریٹائرڈ قاضی اکرام نے جونیئر گالفرز کو مبارک باد دیتے ہوئےکہا ہےکہ جونیئر گالفرز کی یہ کامیابی یوم آزادی کے موقع پر ایک خو بصورت تحفہ ہے۔
